COMPET’plus PROIEKTUA

COMPET’plus proiektuak jarraipena ematen dio POCTEFA Competitiv’eko proiektuari eta Europa ekonomia adimenduna, jasangarria eta integratzailea izan dadin laguntzeko asmoz sortu da. Hiru lehentasun horiek elkar indartzen dute, eta EBk eta Estatu kideek enplegu, produktibitate eta gizarte-kohesio maila handiak lor ditzaten lagundu behar lukete.

Testuinguru horretan, COMPET’plus « mugaz gaindiko eremuan jarduerak birkokatzeko, balio-kate indartuak sortzeko eta ETEen eta enpresa traktoreen arteko lankidetza sustatzeko Enpresen lehiakortasun & Berrikuntza-plataformak » proiektuak – INTERREG POCTEFA (DG REGIO) funtsek hautatu eta %65 finantzatu duten Europako proiektua, zergak barne 862 895 €-ko aurrekontua duena – ETEen ekintzailetza lehiakortasuna eta berrikuntza bultzatzea du helburu, proiektuan parte hartzen duten hiru lurraldeen arteko mugaz gaindiko fluxu ekonomikoak neurtuz eta puntako ETEak, start-upak eta balio erantsi handiko teknologia zentroak identifikatuz, lau RIS3 eremu bateratu hauetan:

Energia

Mugikortasuna

Nekazaritzako elikagaiak

Sormen-industriak

Erronka handi horiek lortzeko proiektuak, bai lehen edizioan bai honetan, Europako Batzordeak bertako eskualde bakoitzerako prestatutako RIS3 (Research and Innovation Smart Specialisation Strategy) ikerketa eta berrikuntzako espezializazio adimenduneko estrategia du oinarri, baina edizio honetan beste sektore batzuk hartuko dira kontuan. Honek Akitania Berriko, Euskadiko eta Nafarroako lurraldeek beren berrikuntzarako potentzialarekin ondoen bat egiten duten ezagutza-espezializazioak identifikatzea du helburu, haien baliabide eta gaitasunen arabera.

Puntu horretan hartzen du indarra mugaz gaindiko eskualdeak, izan ere, hiru lurraldeak bateratzen dituzten eremuetan zentratuko da proiektua. Horrela, mugaz gaindiko eremurako ondasun komun baten alde lankidetzan aritzea lortzen da ekoizpen-saretik, zentro teknologikoetatik hasi eta erakunde publikoetaraino. Horren guztiaren ondorioz, mugaz gaindiko eremu adimentsuago bat lortuko da, berrikuntza-ekosistema integratzaileagoa eta mugaz gaindiko kalitatezko enplegu jasangarriagoa sortuko delako eta fluxu ekonomikoak birkokatzearen ondorioz, hurbileko baliabideak erabiliko direlako.

HELBURUAK

COMPET’plus programaren helburua enpresa traktore eta liderren eta enpresa hornitzaileen (ETEen eta tokiko enpresen) arteko lankidetza-lana sustatuko duten bi berrikuntza plataforma sortzea da, eskaintza teknologiko bateratu bat gauzatuko duena. Horrek merkatura daitezkeen produktuak garatzeko ikerketa-akordioak ekarriko ditu.

 

Helburu orokorraz gain, COMPET’plusek helburu zehatzagoak ere baditu:

1
RIS3etako sektore bateratuen mugaz gaindiko fluxuak aztertzea
2
Mugaz gaindiko balio-kateak diseinatzea
3
Berrikuntza kate-maila defizitarioak identifikatzea eta jarduera estrategikoak osatzeko eragile ekonomikoekin lan egitea
4
Berrikuntza eta negozio aukerak identifikatzea
5
Identifikatutako jarduera estrategikoetan beharrezkoak diren enplegu-profilak zehaztea

COMPET’plus ZENBAKITAN

4

Sektore estrategiko

2

Berrikuntza polo

3

Mugaz gaindiko COMPETITIV'eko polo

Ezagutu proiektuaren azken orduko guztiak.

AURREKARIAK

POCTEFA COMPETITIV ‘eko proiektuak, CCI Bayonne Pays Basquek, Gipuzkoako Ganberak, ORKESTRAk eta SODENA Nafarroako Garapen Ekonomikorako Elkarteak garatutakoak, ETEen lehiakortasuna indartzeko lanean jardun zuen 2016 eta 2019 artean, mugaz gaindiko lankidetzari esker. Eta horrek mugaz gaindiko hiru polo eratzea ahalbidetu zuen LLET osatzen duten hiru lurraldeetako 82 enpresa, teknologia-zentro eta kluster barnean hartuz.

EZAGUTU COMPETITIV'eko PROIEKTUA

2016 – 2019

HARPIDETU GURE NEWSLETERRERA