COMPET’pluseko lehen batzorde estrategikoa
Batzorde hau biltzea abiapuntu garrantzizkoa da proiektuan parte hartzen duten hiru lurraldeen (Akitania Berria, Euskadi eta Nafarroa) mugaz gaindiko lankidetzaren bidez, I+G+b arloan ETEk duten enpresa-lehiakortasuna eta berrikuntza sustatzea helburu duen proiektu honen jarduerak burutzeko. Lehen bilera honetan, zeregin hauek gauzatuko dira:
-
- RIS3k ondorioztatutako lehentasunezko lau espezializazio eremuak berrikustea (energia, mugikortasuna, nekazaritzako elikagaiak eta sormen-industriak).
- Mugaz gaindiko lurraldearen lehiakortasunerako eskualde-apustuak aztertzea.
Batzorde honetan parte hartuko dute: Mathieu Bergé Euroeskualdea, Mugaz Gaindiko Lankidetza, Portu eta Aireportuen arduretan eskuordetutako eskualdeko kontseilariak; Bernard Uthurry Akitania Berriko Eskualde Kontseiluko lehendakariordeak, garapen ekonomiko eta digitalaren kargudunak; Jean Louis Valls CTP Pirinioetako Lan Erkidegoko zuzendariak; Mikel Anton Eusko Jaurlaritzako Europako Gaietarako zuzendariak; Catalina Chamorro Eusko Jaurlaritzako I+G Nazioartekotzeko arduradunak; Mikel Irujo Nafarroako Gobernuko Kanpo Ekintzarako zuzendari nagusiak eta Izaskun Goñi Nafarroako Gobernuko Enpresa Politikaren, Nazioarteko Proiekzioaren eta Lanaren zuzendari nagusiak.
Lekua: Ficoba azoka eremuan, Irunen.